بهالشهر المخصّص للأنفس المطهريّة، بطلب منكن من كل قلب، ما تنسوا تصلّوا على نيّة موتاكن، وعلى نيّة كل نفس انتقلت من هالدني وما عاد في حدا بيتذكّرها أو بيصلّي كرمالها.

تذكّروا إنّو المحبّة ما بتنتهي بالموت، وإنّو الصلاة هي أجمل هديّة فينا نقدّمها للي سبقونا على الرجاء. خصّصوا كل يوم دقيقة من وقتكن، ارفعوا قلبكن ليسوع، واطلبوا منّو يرحم هالنفوس، ويخفّف عنها، ويمنحها نور وجهه وراحة ملكوته.

ما تنسوا خصوصًا النفوس المنسيّة، اللي يمكن ما إلها حدا يذكر اسمها، أو يطلب الرحمة إلها. كونوا إنتو صوت صلاتها، وتذكّروها بمحبتكن قدّام الرب.

يمكن هني ما عاد فيهن يطلبوا منّا الصلاة، بس نحنا بعد فينا نصلّي كرمالن.